Toshkent viloyatida bir yilda 4 mingga yaqin yerga oid huquqbuzarlik holatlari aniqlandi

Toshkent viloyatida bir yilda jami 4 mingga yaqin yerga oid huquqbuzarlik holatlari aniqlandi deb xabar bermoqda viloyat Kadastr agentligi axborot xizmati.

Qayd etilishicha, Kadastr agentligining Toshkent viloyati boshqarmasi tomonidan 2023-yil davomida olib borilgan nazorat tadbirlari davomida jami 3 949 ta yerga oid huquqbuzarlik holatlari aniqlangan. Eng ko‘p holatlar quyidagi hududlarda qayd etilgan:

• Yangiyo‘l tumani — 251 ta:
• Toshkent tumani — 248 ta:
• Yuqori Chirchiq tumani — 241 ta:
• Bo‘stonliq tumani — 210 ta.

Kadastr agentligi Toshkent viloyati boshqarmasi fuqarolardan ruxsatsiz qurilish qilmasliklarini, yerlarni o‘zboshimchalik bilan egallab olmaslikni va egalik huquqi mavjud bo‘lganda esa o‘z vaqtida davlat ro‘yxatidan o‘tkazishni so‘radi.