Фаластин ташқи ишлар вазири Риёд ал-Маликийнинг маълум қилишича, у рамазон ойи бошланишидан олдин ҲАМАС ва Исроил ўртасида келишувга эришишга умид қилмоқда. Бу ҳақда “РИА Новости” хабар берди.
АҚШ президенти Жо Байден ўтган ҳафтада уч маротаба рамазонгача Ғазода вақтинчалик ўт очишни тўхтатиш бўйича келишувга эришишга умид билдирган эди.
Бу аслида АҚШ, Қатар, Миср ва Исроил томонидан амалга оширилаётган иш. Биз муваффақиятга эришишга умид қилмоқдамиз. Чунки рамазон ойи бошланишидан олдин келишувга эришиш биз учун жуда муҳим. Биз бу ойни қурбонларсиз бошлашимиз мумкин. Агар муваффақиятга эриша олмасак, биз ҳаракат қилишда давом этишимиз лозим. Бу жуда муҳим, чунки фаластинликларнинг ҳаёти аҳамиятли. Биз ҳар куни Исроил бегуноҳ тинч аҳолини, хусусан, болалар ва аёлларни ўлдиришда давом этишига йўл қўя олмаймиз, — деди сиёсатчи.
Изоҳ (0)