Uzum Marketда синов режимида автомобиль сотиб олиш сервиси ишга туширилди — Uzum Авто витринасида фойдаланувчилар тасдиқланган дилерлардан автомобилларни танлашлари мумкин. Витринада тақдим этилган барча автомобиллар селлерларда мавжуд бўлиб, уларни сотиб олиш мумкин.
Синов давомида онлайн витринада Тошкентдаги дилерлардан автомобиллар бўлади, келажакда Uzum Авто бутун мамлакат бўйлаб сотувчилар учун шериклик тармоғини кенгайтиришни, шунингдек, сервис орқали хусусий шахсларга ўз автомобилларини сотиш имкониятини беришни режалаштирмоқда.
— Биз автомобилларни танлаш ва сотиб олиш жараёнини мамлакатнинг барча ҳудудлари аҳолиси учун осон ва қулай қилмоқчимиз, ва мамлакатнинг миллионлаб аҳолиси биладиган ва севадиган Uzum Market бунинг учун энг яхши жой, — дейди Uzum Авто бошқарувчи директори Эгор Абрамец. — Uzum Авто дилерларнинг ҳужжатларини текширади ва бизнинг витринамизда тақдим этилган барча автомобиллар мавжуд эканлиги, уларнинг тавсифи ва фотосуратлари ҳақиқатга мос келиши учун жавобгардир. Кейинги қадам, харидорлар ва сотувчиларга бундай катта харидларни тўлаш учун қулай молиявий сервисларни тақдим этишдир.
Автомобильни танлашда харидор битим тафсилотларини муҳокама қилиш учун тўғридан-тўғри дилерга мурожаат қилиши мумкин.
Келгусида Uzum Авто фойдаланувчилари банкка кредит олиш учун ариза юбориш ва хизмат кўрсатувчи шерик банклардан биридан 3-5 дақиқа ичида олдиндан белгиланган лимитни олиш имкониятига эга бўладилар. Шундай қилиб, харидор танланган машина мавжуд эканига, шерик-дилер эса — потенциал харидор сотиб олиш учун зарур бўлган маблағга эга эканига ишонч ҳосил қилади.
Фойдаланувчи фақатгина банкда ҳужжатларни расмийлаштириши ва дилер билан нотариус билан битимни тасдиқлаши керак холос.
Шериклик ҳуқуқи асосида.
Изоҳ (0)