Husiylar Yevropa va Osiyoni bog‘laydigan aloqa kabelini uzib qo‘ydi

Yaman husiylari Qizil dengizda Yevropa va Osiyoni bog‘laydigan to‘rtta suvosti kabelini uzib qo‘ydi. Bu haqda Globes nashri xabar berdi.

Husiylar tomonidan amalga oshirilgan hujumlardan birida Sharqiy Afrikadagi Jibuti va Saudiya Arabistonining Jidda shaharlarini bog‘lovchi to‘rtta aloqa kabeli zararlangan. 

“Husiylar bunga qanday erishganini hech kim bilmaydi, biroq AAE-1, Season, EIGHT va TGN kompaniyalarining kabellari zarar ko‘rgan”, — deyiladi xabarda.

Hujum natijasida eng ko‘p ko‘rfaz mamlakatlari va Hindiston jabr ko‘rgani aytilmoqda. Shu bilan birga, zarar juda ahamiyatli emas, sababi aloqa boshqa kabellar tomonidan ham ta’minlanadi. 

Ta’kidlanishicha, global internet-trafikning 17 foizigacha Qizil dengizdagi kabellar orqali o‘tadi, ular Afrika va Osiyo, Janubiy Yevropa va Hind-Tinch okeani mintaqasini bog‘laydi. Zararlangan kabellarni ta’mirlash kamida sakkiz hafta davom etadi, agar ko‘proq bo‘lmasa, chunki zarar husiylar zonasida joylashgan. Kabellarni ta’mirlashga kelgan kemalar nishonga olinishi mumkin.

“Telekommunikatsiya kompaniyalari ta’mirlash ishlarini bajarishga rozi bo‘ladigan va ularga yuqori xavf uchun mukofot to‘laydigan kompaniyalarni izlashga majbur bo‘ladi”, — deyiladi xabarda.