Наманганда электрдан ноқонуний фойдаланганлар тўрт кунда 5 млрд сўмдан зиёд зарар етказди, деб хабар бермоқда Электр энергияси, нефть маҳсулотлари ва газдан фойдаланишни назорат қилиш инспекцияси.
Унга кўра, 14—17 февраль кунлари Энергетика вазирлиги ҳузуридаги “Ўзэнергоинспекция” томонидан Бош прокуратура ва ҳуқуқни муҳофаза қилувчи бошқа органлар, шунингдек, электр ҳамда газ таъминоти корхоналари ходимлари билан ҳамкорликда Наманган вилоятида ўтказилган назорат тадбирларида энергия ресурсларидан ноқонуний фойдаланилган 61 та ҳолат аниқланди.
Улар томонидан тизимга 5 миллиард 70 миллион сўмлик зарар етказилган. Мисол учун, Чортоқ туманида жойлашган “Ч.М.V.” МЧЖда 1 миллиард 683 миллион сўмлик ҳисобга олинмаган электр энергияси аниқланди. Тўрақўрғон туманида эса “С.С.М.” МЧЖ ўзбошимчалик билан электр тармоғига ноқонуний уланиб, давлат манфаатларига 319,9 миллион сўмлик зарар келтирган.
Қоидабузар истеъмолчиларга нисбатан белгиланган тартибда чора кўриш учун тегишли ҳужжатлар расмийлаштирилиб, ҳуқуқни муҳофаза этувчи органларга тақдим қилинди.
Изоҳ (0)