Davlat rahbari raisligida o‘tkazilgan videoselektor yig‘ilishi, yiliga ikkitadan ortiq avtomobil sotganlar to‘lashi mumkin bo‘lgan qo‘shimcha soliq, poytaxtda yog‘gan qor – “Daryo” nashri bugun, 20-fevralda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda harorat -13 darajagacha pasaydi. Sovuq qancha davom etadi?
Hozirda butun respublikada havo harorati 0 darajadan past.
Shavkat Mirziyoyev hudud rahbarlari muhtoj oilalar bilan manzilli ishlamayotganini tanqid qildi
Davlat rahbariga ko‘ra, ular pul va oziq-ovqat berish, maishiy texnika sovg‘a qilish bilan cheklanib kelmoqda.
O‘zbekistonda mahallada ijtimoiy xizmatlar ko‘rsatish elektron platformasi ishlab chiqiladi
“Muruvvat” uylari va Ijtimoiy qo‘llab-quvvatlash markazlarida ijtimoiy xizmatlarni mobil va kunduzgi qatnov shaklida ko‘rsatish yo‘lga qo‘yiladi.
O‘zbekistonda 1-oktyabrdan “ijtimoiy karta” joriy etiladi
Ushbu karta orqali transport va kommunal sohalardagi imtiyozlardan ham foydalanish mumkin bo‘ladi.
Prezident ayrim vazirlik, idora va viloyat hokimliklarida nogironligi bo‘lgan birorta odam ishga olinmaganini tanqid qildi
Ta’kidlanishicha, 500 mingdan ortiq korxona va tashkilotning bor-yo‘g‘i 43 mingtasida nogironligi bo‘lgan shaxslar ishlaydi.
O‘zbekistonda xodimlarining 50 foizida nogironlik bo‘lgan tadbirkorlar davlat buyurtmachilari bilan to‘g‘ridan to‘g‘ri shartnoma tuzadi
Bunday odamlarni ishga olgan korxonalarga tadbirkorlik reytingida qo‘shimcha ball beriladi.
O‘zbekistonda nogironligi bo‘lganlar uchun Sportni rivojlantirish assotsiatsiyasi tashkil etiladi
Paralimpiya qo‘mitasi, tegishli sport federatsiyalari, O‘zbekiston maxsus olimpiadasi assotsiatsiya tarkibiga kiradi.
Toshkentda ikkita Yutong avtobusi va Cobalt ishtirokida YTH sodir bo‘ldi
Hodisa oqibatida 20 yoshli yo‘lovchi tan jarohati olib, shifoxonaga murojaat qilgan.
Hokimliklar huzuridagi Vasiylik va homiylik komissiyalari tugatiladi
Ularning vakolati “Inson” markazlariga o‘tkaziladi.
O‘zbekistonda 1-iyunga qadar 500 nafar yetim bola uy-joy bilan ta’minlanadi
Shuningdek, “Inson” markazlari tomonidan haqiqatda uy-joyga muhtoj yoshlar ro‘yxati shakllantiriladi.
Ayollar va bolalarni tazyiq va zo‘ravonlikdan himoyalash bo‘yicha mahalla darajasida alohida tizim yaratiladi
Tazyiqqa uchragan ayollar reyestri tuzilib, ularga mahallada tezkor kompleks xizmat ko‘rsatish tizimi joriy qilinadi.
“OAVga rahmat, sudni to‘la-to‘kis, oydin yoritib berganingizdan minnatdorman” — “Dok-1 Maks” ishida aybdor ko‘rilayotgan Sardor Kariyev
Ta’kidlanishicha, 23 nafar sudlanuvchidan faqatgina Sardor Kariyev “Dok-1 Maks” ishining OAV orqali ommalashtirilishiga e’tibor qaratib, jurnalistlarga tashakkur izhor qilgan.
O‘zbekistonda 2024–2025-yillarda ikki million ayol bandligini taʼminlash choralari ko‘riladi
Shuningdek, 142 ta loyiha amalga oshirilishi va qo‘shimcha 15,2 mingta ish o‘rinlari yaratilishi taʼminlanadi.
O‘zbekistonda yiliga ikkitadan ortiq avtomobil sotganlar qo‘shimcha soliq to‘lashi mumkin
2022-yilda 33 mingga yaqin fuqaro uch va undan ortiq avtomobil xarid qilgani qayd etilgan.
2024-yil O‘zbekistonda tarixdagi eng issiq yoz bo‘ladimi?
“O‘zgidromet” mazkur xabarlar yuzasidan munosabat bildirdi.
Yangiobod tuman hokimi o‘rinbosari 10 yilga qamaldi
U 100 ming dollar bilan qo‘lga tushgan edi.
Buxoro viloyati prokurori almashdi
U tayinlovga qadar Farg‘ona viloyati Qo‘qon shahar prokurori lavozimida ishlagan.
Fotoreportaj:
Foto: Toshkentning qorli manzaralari
“Daryo” fotomuxbiri Toshkentning Eski shahar qismi va shahar markazidagi ayrim ko‘chalarda bo‘lib, qorli manzaralarni kadrlarga muhrladi.
Tahliliy material:
Markaziy Osiyodagi bo‘ron: suv mojarolari fonida Karimov va Rahmon o‘rtasidagi qarama-qarshilik
“Daryo” O‘zbekiston va Tojikiston o‘rtasidagi eng ziddiyatli kunlar haqida hikoya qiladi.
Izoh (0)