Ўзбекистоннинг барча ҳудудларида 12—15 февраль кунлари февраль ойи ўртаси учун қуруқ ва жуда илиқ бўлган об-ҳаво сақланиб туради, деб хабар бермоқда “Ўзгидромет”.
Ҳарорат 12—13 февраль кунлари кечалари 3-8 даража илиқ, кундуз кунлари 12-17 даража илиқ бўлади. 14—15 февралда бундан ҳам юқори — кечалари 5-10 даража илиқ, кундуз кунлари 19-24 даража илиқ бўлади. Қайд этилишича, бундай ҳарорат фони февраль ойи ўртаси учун бўлган меъёрий қийматлардан 10-12 даражага юқоридир.
Қуруқ об-ҳаво Ўзбекистон ҳудудининг катта қисмида 16 февраль куни ҳам сақланиб туради. Ҳаво ҳарорати кундузи 15-20 даражагача пасаяди.
Фақат Ўзбекистоннинг шимоли-ғарбий ҳудудларига 16 февралда келиб чиқиши арктик бўлган совуқ ва нам ҳаво массалари кириб келиши бошланади. Қорақалпоғистон Республикаси ва Хоразм вилоятида баъзи жойларда ёмғир ва қор кўринишидаги ёғингарчилик бўлиши мумкин. Ҳарорат кечаси 0-5 даража совуқ, кундузи 3 даража совуқ-2 даража илиқ бўлади.
Шамол шарқдан 7-12 метр/секунд тезликда эсади, 15—16 февралда баъзи жойларда 15-20 метр/секундгача кучаяди, айрим жойларда баъзида 23-28 метр/секундгача кучайиши мумкин.
Республиканинг тоғли ҳудудларида 12 февраль куни қор кўчиши хавфи бор.
Тошкентда 12—16 февраль кунлари ёғингарчилик кутилмайди. Шамол шарқдан 3-8 метр/секунд тезликда эсади. Ҳарорат 12—13 февралда кечалари 3-8 даража илиқ, кундуз кунлари 12-17 даража илиқ, 14—15 февралда кечалари 5-10 даража илиқ, кундуз кунлари 19-22 даража илиқ бўлади.
Изоҳ (0)