Ўзбекистонда 2024 йилда пахтадаги каби ғаллада ҳам имтиёзли кредитни тўғридан тўғри фермерга бериш тизими жорий қилинади. Бу ҳақда Шавкат Мирзиёев раислигида аграр соҳадаги устувор вазифалар ва режаларга бағишланган йиғилишда маълум қилинди.
Йиғилишда 2023 йилда ғалла ҳосили илк бор 8 миллион тоннага етгани маълум қилинди. Фермерлар манфаатдорлигини янада ошириш учун бу йил ғаллачиликда ҳам янгиликлар қилиниши таъкидланди.
Пахтадаги каби ғаллада ҳам имтиёзли кредитни тўғридан тўғри фермерга бериш тизими жорий қилинади. Бундан ташқари, давлат ресурси учун харид қилинган буғдойни даладан ташиб келиш ва сақлаш харажати 2024 йилда ҳам тўлиқ бюджетдан қопланади.
2024 йилги пахта ва ғалла ҳосили учун бюджетдан 10 триллион сўмдан ортиқ имтиёзли ресурс ажратилди.
Кластер, фермер ва деҳқонлар имтиёзли кредит олишини осонлаштириш мақсадида очиқ-ошкора платформа ишга тушди.
Изоҳ (0)