Хонанда Шоҳруххон ҳар йилнинг февраль ойида яккахон концерт дастурини тақдим этади. Бу йилги концерт дастури ҳам ўзига хос ўтди. Хонанда хит қўшиқлар билан бирга янги тароналарини ҳам ижро этди. “Дарё” мухбири концертдан саҳна ва саҳнаорти жараёнлари ҳақида қизиқарли репортаж тайёрлади.
Хонанда бу йилги концертда ўзига хосликка алоҳида эътибор қаратган. Бу саҳна либослари ва концерт давомида намойиш этилган фильмда яққол сезилди.
Хонанда саҳнага чиқишдан аввал янги қўшиқларининг сўзини унутиб қўймаслик учун уларни қўлига ёзиб олди.
Шоҳруххон рақс жамоасига мотивация бериш учун концерт олди уларга омад тилади.
Асал Шодиева концерт олди турмуш ўртоғига омад тилади. Ҳамиша журналистлар саволларидан қочадиган ижодкор бу сафар бошқача йўл тутди. Саволларнинг ҳеч бирини рад этгани йўқ.
Хонанда жонли ижрога алоҳида эътибор қаратгани сезилди.
Ҳамиша классик услубда кийинадиган ижодкор бу сафарги саҳна либосларига креативликка алоҳида эътибор қаратган. У либос устасининг таклифига кўра шундай йўл тутгани ҳақида айтиб ўтди.
Шоҳруххон бу йилги концерт дастурида иккита ижодкор билан дуэт куйлади. Бири ёш хонанда Афруза бўлса иккинчиси Райҳон. Дуэтларнинг иккиси ҳам томошабинлар томонидан илиқ кутиб олинди.
Рақсларда эса саҳна кўринишларида образларга алоҳида эътибор қаратилган. Бунда режиссёр Жамшид Ҳожиматов ҳиссаси катта.
Хонандани қўллаб-қувватлаш учун кўплаб санъаткорлар ва шоу-бизнес ваклиллари ташриф буюришди. Улар орасида Бобур Мансуров жамоаси ҳам бор эди.
Концертнинг саҳна ва саҳна орти жараёнлари ҳақида қанча кўп гапирмайлик уни томоша қилишни завқи бошқача бўлади. Шу боис махсус репортажни томоша қилишингизни тавсия қиламиз.
Изоҳ (0)