Xonanda Shohruxxon har yilning fevral oyida yakkaxon konsert dasturini taqdim etadi. Bu yilgi konsert dasturi ham o‘ziga xos o‘tdi. Xonanda xit qo‘shiqlar bilan birga yangi taronalarini ham ijro etdi. “Daryo” muxbiri konsertdan sahna va sahnaorti jarayonlari haqida qiziqarli reportaj tayyorladi.
Xonanda bu yilgi konsertda o‘ziga xoslikka alohida e’tibor qaratgan. Bu sahna liboslari va konsert davomida namoyish etilgan filmda yaqqol sezildi.
Xonanda sahnaga chiqishdan avval yangi qo‘shiqlarining so‘zini unutib qo‘ymaslik uchun ularni qo‘liga yozib oldi.
Shohruxxon raqs jamoasiga motivatsiya berish uchun konsert oldi ularga omad tiladi.
Asal Shodiyeva konsert oldi turmush o‘rtog‘iga omad tiladi. Hamisha jurnalistlar savollaridan qochadigan ijodkor bu safar boshqacha yo‘l tutdi. Savollarning hech birini rad etgani yo‘q.
Xonanda jonli ijroga alohida e’tibor qaratgani sezildi.
Hamisha klassik uslubda kiyinadigan ijodkor bu safargi sahna liboslariga kreativlikka alohida e’tibor qaratgan. U libos ustasining taklifiga ko‘ra shunday yo‘l tutgani haqida aytib o‘tdi.
Shohruxxon bu yilgi konsert dasturida ikkita ijodkor bilan duet kuyladi. Biri yosh xonanda Afruza bo‘lsa ikkinchisi Rayhon. Duetlarning ikkisi ham tomoshabinlar tomonidan iliq kutib olindi.
Raqslarda esa sahna ko‘rinishlarida obrazlarga alohida e’tibor qaratilgan. Bunda rejissor Jamshid Hojimatov hissasi katta.
Xonandani qo‘llab-quvvatlash uchun ko‘plab san’atkorlar va shou-biznes vaklillari tashrif buyurishdi. Ular orasida Bobur Mansurov jamoasi ham bor edi.
Konsertning sahna va sahna orti jarayonlari haqida qancha ko‘p gapirmaylik uni tomosha qilishni zavqi boshqacha bo‘ladi. Shu bois maxsus reportajni tomosha qilishingizni tavsiya qilamiz.
Izoh (0)