Оғир атлетика бўйича Осиё чемпионати баҳслари давом эттирилмоқда.
Эркаклар ўртасидаги -109 кг вазн тоифасидаги баҳслар якунланди. Унда Ўзбекистон терма жамоасининг икки аъзоси Руслан Нуриддинов ва Шарофиддин Амриддинов чемпионлик учун баҳс олиб борди.
Муросасиз кураш якунида тажриба ўз сўзини айтди. Нуриддинов силтаб кўтариш ва икки кураш бўйича олтин медалларни илиб кетди. Унинг жами кўрсаткичи 382 (175+207) кгни ташкил этди.
Даст кўтаришда олтин медал эгаси бўлган Шарофиддин Амриддинов умумий ҳисобда 381 (176+205) кг тошни кўтариб, якунида ўз ҳисобига яна иккита кумуш медални қўшиб қўйди.
Изоҳ (0)