BTS Express ҳақида эшитган ёки хизматларидан фойдаланган бўлсангиз керак. Компания почта ва логистика хизматлари кўрсатиш бўйича Ўзбекистондаги етакчилардан ҳисобланади.
“Дарё” мухбири BTS Express фаолияти билан қизиқиб, компаниянинг Тошкент шаҳридаги бош офиси ҳамда филиалларидан бирида бўлди.
BTS Express 2009 йилда юртимизда биринчи очилган хусусий почталардан саналади. Компания ҳозиргача 10 мингдан ортиқ юридик мижозларга, 2 миллион нафарга яқин жисмоний шахсларга почта-курерлик хизматларини кўрсатган.
Мижозлардан бири Дилшод Файзиев BTS Express хизматларидан 3 йилдан бери фойдаланишини айтди.
“Тадбиркор сифатида BTS дан кўп фойдаланаман. Товарларни бегона таксига берсангиз хавотир оласиз. Манзилга етиб борармикин деб ўйлайсиз. BTS эса ишончли. Вилоятларда филиаллари бор. Товарларни мижозларимизга яқин филиалига жўнатамиз ва улар қабул қилиб олишади. Тўловлари ҳам унча қиммат эмас. Хизматлар сифатли”, — деди у.
Компанияда директор ўринбосари Шуҳрат Азимовнинг айтишича, ҳозирда мижозларга бир неча йўналишларда хизмат кўрсатилмоқда.
“Тадбиркорларнинг юк ёки товарларини Ўзбекистон бўйлаб айтилган жойга етказиш, оддий одамлар почталарини белгиланган манзилга элтиб бериш, қолаверса, логистика хизматларини ҳам кўрсатамиз. Шунингдек, компаниямизда халқаро почта ва юк ташиш хизматлари йўлга қўйилган. Буюртмани дунё бўйлаб исталган давлатга етказиб бера оламиз. Ўтган йили омборхона хизматларини ҳам йўлга қўйдик. Бунда бизнинг омборлардан тадбиркорлар юкларини сақлаш учун бемалол фойдаланишлари мумкин”, — деди мутахассис.
BTS Express компанияси директори Беҳзод Жалолов бугун ўта катта ҳажмдаги юкларни ҳам ташиш имконияти яратилганини айтди.
“Битта ҳужжатдан тортиб, ҳар қанақа ҳамждаги маҳсулотни 20 тоннали катта юк автомобилларида, 100 тоннали самолётлар ва темирйўл орқали ташишларни йўлга қўйганмиз. Энг муҳими буюртмани ҳар қандай шароитда ваъда қилинган бир кунда етказиб бериш хизматимизни амалга оширамиз. Ўзбекистон ичида халқимиз таниган барча катта брендларга хизмат кўрсатганмиз ва ҳозир ҳам кўпларига хизмат кўрсатмоқдамиз.
Компанияда 500 нафар ходим ишлаётган бўлса, улар бор эътиборни сифатга қаратади. Ўтган йили бунинг натижаси сифатида халқаро ISO сифат сертификатини олдик. Компаниямиз охирги икки йилда йилнинг яхши брендлардан бири деб эътироф этилди”, — деди компания раҳбари.
Инновацион ривожлантириш департаменти раҳбари Жўрабек Турдиев компанияда юкларни электрон назорат қилиш тизими йўлга қўйилгани ҳақида гапирди.
“Кунига 6–7 мингта почта оламиз. Мижозларга буюртмалари қаерда экани ва қаерга кетаётганини иловамиз орқали билиб туриш имконияти яратилган. BTS Space дастуримиз орқали почта назоратини амалга оширамиз. Яъни мижознинг буюртма беришидан то манзилга етгунча бўлган жараён дастур ёрдамида назорат қилинади”, — деди мутахассис.
Суҳбат давомида Беҳзод Жалолов 2024 йилда компания олдига қандай мақсадлар қўйилгани тўғрисида маълумот берди.
“Ҳозирда республика бўйлаб 80 дан ортиқ филиалларимиз бор. Ҳудудларда тадбиркорлар билан ҳамкорликдаги 40 дан ортиқ франшизаларимиз ишламоқда. Бу йил 100 тага яқин франшиза сотишни режалаштирганмиз. Тадбиркор франшизамизни сотиб олиш орқали хизмат кўрсатиш ва логистика соҳасига кириб келади ҳамда бизнинг ҳамкоримизга айланади.
Франшизамизнинг бошланғич нархи 30 миллион сўм. Соҳага қизиқувчилар сайтимизга кириб, мурожаат қилишлари мумкин. Яна бир асосий мақсадимиз 2024 йилда республикда бўйлаб 50 тага яқин янги филиаллар очмоқчимиз”, — деди директор.
BTS Express ҳозирда нафақат Ўзбекистонда, балки Россия, Туркия ва Жанубий Кореяда ҳам ўз офисларига эга. Беҳзод Жалолов жорий йилда яна бир неча мамлакатларда янги офислар очиш ишлари амалга оширилаётганини айтди.
Реклама ҳуқуқи асосида.
Изоҳ (0)