Ўзбекистонда моддий ёрдамга муҳтож фарзандлар фойдасига 2 триллион сўм алимент пуллари ундирилди, деб хабар бермоқда МИБ ахборот хизмати раҳбари Фаррух Тошпулатов.
Қайд этилишича, 2023 йилда МИБ органлари томонидан жами 40,2 триллион сўм, шу жумладан, давлат фойдасига 17 триллион сўм маблағлар ундирилган. Амалда умумий ундирув кўрсаткичи ўтган йилнинг шу даврига нисбатан 10,4 триллион сўмга (35 фоиз) ўсди.
Бюронинг ахборот технологиялари ёрдамида масофавий ишлайдиган 15 та туманлараро бўлимлари томонидан мажбурий ижро ҳаракатлари ўтказилмасдан ва фуқароларнинг мол-мулкларига дахл қилмаган ҳолда, 766,4 миллиард сўмлик 2 миллионта ҳужжатнинг ижроси таъминланди.
Ижтимоий аҳамиятга эга бўлган — “Темир дафтар”, “Аёллар дафтари” ва “Ёшлар дафтари” билан боғлиқ жамғармаларига 936,4 миллиард сўм ёки ўтган мос даврга нисбатан 357,8 миллиард сўм (62 фоиз) кўп маблағ йўналтирилди. Моддий ёрдамга муҳтож фарзандлар фойдасига жами 2 триллион сўм алимент пуллари ундирилиб, бу кўрсатгич ҳам олдинги даврга нисбатан 664,6 миллиард (49 фоиз) сўмга ошганини кўрсатмоқда.
Изоҳ (0)