Ўзбекистонда она ва гўдаклар ўлими юқори 20 та ҳудуддаги тиббиёт ходимлари ўқитилади, деб хабар бермоқда Президент матбуот хизмати.
Қайд этилишича, хориждан мутахассисларни олиб келиб, энг аввало, она ва гўдаклар ўлими юқори 20 та туман ва шаҳардаги тиббиёт ходимларини ўқитиш топширилди. “Хавф гуруҳи”га кирган ҳомиладор ва туғуруқ ёшидаги аёллар билан ишлаш протоколи янгиланади.
Тиббиёт бригадаларидаги 8,5 минг доя илғор тажриба асосида репродуктив саломатлик ва ҳомиладорлар парвариши бўйича ўқитилади. Перинатал марказлар бошқарувига хорижий мутахассисларни олиб келиш, 229 та туғруқхонани замонавий тиббий ускуналар билан жиҳозлаш топширилди.
“Ҳар бир она ва бола ўлими “фавқулодда ҳолат” деб баҳоланади ва сўров шунга яраша бўлади” дея огоҳлантирди президент Соғлиқни сақлаш вазирлиги, вилоят ҳокимлари, вилоят ва туман тиббиёт идоралари раҳбарларини.
Изоҳ (0)