Навоий вилоятида ноқулай об-ҳаво натижасида асосан Навоий шаҳри ҳамда Кармана, Қизилтепа, Нурота, Хатирчи туманларининг электр тармоқлари тизимида носозликлар келиб чиқмоқда. Бу ҳақда “Ҳудудий электр тармоқлари”нинг вилоят филиали хабар берди.
Қайд этилишича, электр таъминотида юзага келаётган вақтинчалик узилишларни бартараф этиш ишлари электр таъминотининг тезкор чиқиш бригадалари ҳамда унга алоқадор барча хизматлар томонидан кучайтирилган тартибда олиб борилмоқда.
Аввалроқ “Ўзгидромет” 29 январь, душанба куни учун об-ҳаво прогнозини эълон қилганди. Унда Ўзбекистоннинг айрим ҳудудларида кучли шамол бўлиши кутилаётгани тўғрисида хабар берилган эди.
Изоҳ (0)