Қатар мезбонлик қилаётган Осиё Кубогининг 1/8 финалидан ўрин олган Ўзбекистон — Таиланд учрашувига ҳакамлар тайинланди.
Учрашувни малайзиялик Муҳаммад Назми бин Насаруддин бошчилигидаги ҳакамлар гуруҳи бошқариб боради.
Унга ҳамюртлари Муҳаммад Заирул ҳамда Ариф Шамил ёрдам беришса, захира ҳаками сифатида уммонлик Аҳмад Абу Бакар Саид ал-Каф ишлайди. Шунингдек, учрашув ВАР ҳаками вазифасини Омар Муҳаммад Аҳмад (БАА) бажарса, АВАР сифатида саудиялик Холид Солиҳ Алтураис ишлаши кўзда тутилган.
Маълумот учун, Назми Насаруддин жорий мавсум жами 8 та учрашувда ишлаган. Ушбу учрашувларнинг барчаси клублар ва терма жамоалар иштирокидаги халқаро мусобақаларга тўғри келади. Эътиборли томони, ушбу ҳакам ОЧЛ гуруҳ босқичининг 3 та турида ўзбек клублари иштирокидаги баҳсларда ҳакамлик қилган. У турнирнинг 2-турида “Навбаҳор” — “Мумбаи Сити” (Ҳиндистон), 4-турида “Аҳал” (Туркманистон) — “Пахтакор” ҳамда 6-тур доирасидаги “Мумбаи Сити” (Ҳиндистон) — “Навбаҳор” учрашувларини бошқарган.
Осиё Кубоги—2023 / 1/8 финал
30.01.2024 / 16:30
Ўзбекистон — Таиланд
“Ал-Жануб” стадиони, Ал-Вукаир шаҳри
Изоҳ (0)