“Манчестер Сити” бош мураббийи Пеп Гвардиоланинг ўрнини эгаллаши мумкин бўлган номзодлар маълум бўлди.
The Telegraph нашри испаниялик мутахассис “шаҳарликлар” сафини тарк этса, унинг ўрнига келиши мумкин бўлган номзодларни санади. Эслатиб ўтамиз, Гвардиоланинг “Манчестер Сити” билан амалдаги шартномаси 2025 йилгача мўлжалланган.
Нашрга кўра, Пепнинг ўрнини “Тоттенҳэм” устози Энж Постекоглу эгаллаши мумкин.
Австралиялик мутахассиснинг Манчестер клубига бош мураббий бўлиш эҳтимоли Микель Артета. Роберто де Зерби ва Венсан Компаниникидан кўпроқ. Шунингдек, Энжнинг ўзи “шпорлар”даги фаолиятидан рози.
“Манчестер Сити” 58 ёшли мутахассиснинг ишини кузатиб бормоқда.
Гвардиола 2016 йилдан буён “шаҳарликлар” бош мураббийи сифатида ишлаб келмоқда. Жорий мавсум жамоа АПЛда 43 очко билан 2-ўринни эгаллаб турибди.
Изоҳ (0)