Хави мавсум охирида “Барселона”ни тарк этади.
Бу ҳақида мураббийнинг ўзи Ла Лиганинг 22-туридан ўрин олган “Вильярреал”га қарши баҳсдан сўнг (3:5) эълон қилди.
“30 июнь куни “Барселона” мураббийлигидан кетаётганимни маълум қилмоқчиман. Бу қарорни президент билан биргаликда қабул қилдик.
Менимча, барчасини ўзгартириш лозим. Бунинг барчаси футболчиларнинг фойдасига.
Президент, Деку, футболчилар ҳақида ўйладим. Улар ўзгаришларга лойиқ.
“Барса” учун муаммо эмас, ечим бўлмоқчиман. Июнь ойига қадар шундай бўлиб қолишга умид қиламан.
10 очко ортда қолаётган бўлсак ҳам Ла Лига учун курашамиз.
Тўғри қарор қабул қилаётганимни биламан. Клуб ҳаммадан устун”, — дейди Хави.
“Барселона” Испания чемпионатида пешқадам “Реал”дан 10 очко ортда қолмоқда ва жадвалда 3-ўринни эгаллаб турибди.
Хави 2021 йилнинг ноябрь ойида “кўк-анорранглилар” бош мураббийига айланган эди. Унинг қўл остида жамоа Испания чемпионати ва мамлакат Суперкубогини қўлга киритди.
Изоҳ (0)