АҚШ февраль ойида Ойга янги аппарат учиришни режалаштирмоқда

НАSA хабарига кўра, Американинг янги Nova-C қўниш аппарати Ойга февраль ойи ўрталарида учирилиши режалаштирилган.

Фойдали юк сифатида қурилма бешта НАSA тадқиқот ускунасини Ойга олиб чиқади. Учириш Флорида штатидаги Канаверал космик марказидан SpaceX Falcon 9 ракетаси ёрдамида амалга оширилиши режалаштирилган.

Intuitive Machines томонидан яратилган Ойга қўнувчи қурилма февраль ойи охирида Ойнинг жанубий қутбидан 300 км узоқликда қўниши керак бўлади.

Агар миссия муваффақиятли амалга оширилса, Nova-C Ойга қўнган биринчи хусусий қурилмага айланади.

Январь ойида Американинг Astrobotic Technology компаниясининг Peregrine Ойга қўниш хусусий модули ҳаракатланиш тизимидаги носозлик туфайли Ернинг табиий сунъий йўлдоши юзасига қўна олмади. Натижада космик кема Ерга юборилди, у 18 январь куни атмосферанинг зич қатламларига кираётганда ёниб кетди.

Peregrine 50 йилдан ортиқ вақт ичида Ойга қўнган биринчи Америка модули бўлиши керак эди.