Тошкент шаҳрида “эски ТошМИ” ҳудудидаги собиқ кадет корпусининг босмахона биносини реставрация қилиш лойиҳаси тасдиқланди. Бу ҳақда Маданий мерос агентлиги хабар берди.
Январь ойининг бошида Яшнобод туманида жойлашган Тошкент тиббиёт академиясининг кўп тармоқли клиникаси биноси бузилиши ҳақида хабарлар кенг муҳокамаларга сабаб бўлган эди. Ушбу ҳолатга жавобан Маданий мерос агентлиги томонидан берилган расмий баёнотда бино тузилмаси ҳамда объектда олиб бориладиган таъмирлаш ишлари ҳақида қўшимча ахборот берилиши маълум қилинган.
Қайд этилишича, 11 январь куни агентлик ҳузуридаги Илмий-эксперт кенгашининг 1-сонли йиғилиши бўлиб ўтди. Ўтказилган йиғилишда “Ўзшаҳарсозлик ЛИTИ” давлат муассасаси томонидан тақдим этилган “Тошкент тиббиёт академиясининг кўп тармоқли клиникасида бино ва иншоотларни қуриш, реконструкция қилиш” лойиҳаси кўриб чиқилган.
Лойиҳага кўра, ушбу бинога мос равишда 26 метр, 13 метр ва 52 метр масофалардаги “Аккредитация-симуляция” қўшимчасига 2 та ётоқхона биносини қуриш, лойиҳада черков бўлган бинонинг юқори қисмини тиклаш, биноларнинг ташқи кўринишини ҳамда конструктив ҳолатини сақлаш белгиланган.
Агентлик ҳузуридаги Илмий-эксперт кенгаши томонидан “Ўзшаҳарсозлик ЛИTИ” давлат муассасаси томонидан ишлаб чиқилган Тошкент тиббиёт академиясининг биноси (собиқ Кадетлар биноси) реконструкция қилиш ва иншоотларини қуриш лойиҳаси юқорида белгиланган талаблар, шунингдек, бинонинг ташқи кўринишини конструктив тарзда сақлаш шарти билан тасдиқланган.
Маъқулланган кенгаш лойиҳа хулосаси тегишли тартибда “Ўзшаҳарсозлик ЛИTИ” давлат муассасасига юборилган.
Изоҳ (0)