Қатар майдонларида футбол бўйича қитъанинг энг йирик мусобақаси — Осиё Кубоги бўлиб ўтмоқда. Мусобақада Ўзбекистон миллий терма жамоаси ҳам иштирок этмоқда. 18 январь куни терма жамоа 2-тур доирасида Ҳиндистонга қарши майдонга тушди ва ишончли 3:0 ҳисобида ғалаба қозонди.
Учрашув ҳақида “Спорц.ру” сайтидаги “Ўзбекская кухня” блогида чиққан мақолани “Дарё” ўзбек тилида тақдим этади.
Сурияга қарши 1-турдаги ўйиндан кейин ҳамма бир овоздан: “Нима учун Сергеев ўйинга тушмади?”, — деб мураббийни танқид қилди. Ҳақиқатан ҳам Сречко Катанес танқид қилишлари учун ҳамма нарсани қилди дейиш мумкин. Эктор Купернинг Сурияси ҳимоявий услубда жуда самарали ҳаракат қилди. На Машариповга, на Ўруновга “тоза ҳаво” берди. Биринчи бўлимдан сўнг Катанес ўнг қанотни тўлиғича алмаштирди. Лекин соф форвардни ўйинга қўшишни анча кечиктирди.
Майдонга Файзуллаев ва Сергеев тушгач, озми-кўпми ўйинга ранг-баранглик кирди ва дарвоза томон бир нечта аниқ зарбалар берилди.
Ҳиндистонга қарши ўйиндан олдинги матбуот анжуманида Катанес яна бир муҳим ўйинчи, ўнг қанот ҳимоячиси Ҳожиакбар Алижонов учун ҳам мусобақа якунланганини айтди. Терма жамоа матбуот хизмати бунга ҳанузгача муносабат билдирмади.
Ҳиндистонга қарши ўйин катта аҳамият касб этарди. Учрашувдан олдин гуруҳдаги биринчи ўйинда Сурия Австралияга мағлуб бўлиб очко йўқотди. Ўзбекистон 3-турда Австралияга қарши саф торца, Сурия эса нисбатда кучсизроқ Ҳиндистон билан ўйнайди. Кўп нарса хавф остида эди ва шунинг учун таркиб оптималга яқинроқ танланди. Катанес 4-2-3-1 схемасини танлади. Игор Сергеев марказий ҳужумчи сифатида, Ўрунов марказга яқинроқ позицияда ҳаракат қилиши, Сергеевга қанотларда Жалолиддин Машарипов ва Аббос Файзуллаев ёрдам бериши кутилган эди.
Яна бир жиҳати, ўйиннинг расмий протоколида бошқачароқ айтилган. Яъни 4-4-1-1 схемаси Сергеев марказий ҳужумчи сифатида, Аббос Файзуллаев ҳужумчи ортида жойлашди. Кейинги ўринда ярим ҳимоячилар квартети: Машарипов-Ҳамробеков-Шукуров-Ўрунов. Уларнинг ҳаракатини кузатиш жуда қизиқ эди. Керак бўлса, тактикани 4-3-3 схемасига ўзгартириш мумкин, бунда Машарипов ва Ўрунов ҳужумкор венгерлар ўрнини эгаллайди.
Рақиб ўйинни фаол бошлаганига қарамай, Аббос Файзуллаев илк ҳужумдаёқ баҳсда ҳисобни очди. Қизиғи, ҳужумни Аббоснинг ўзи бошлаб, ўзи якунига кетказди. Рақиб жарима майдончасига яқинроқда Файзуллаев чап қанотдаги Насруллаевни ҳужумга чорлади. Шерзоднинг узатмасидан кейин жарима майдончаси ичидаги Шукуровнинг ассистидан кейин Файзуллаевнинг ўзи ҳужумни якунига етказди.
Қизиғи, якуний ҳаракатлар иккинчи қаватда амалга оширилди. бўйли баланд бўлмаган Шукуров ва Файзуллаэв рақиб жарима майдончасидаги курашда ғалаба қозонди.
Учрашувнинг еттинчи дақиқасида Отабек Шукуров Мексика билан ўртоқлик учрашувида Гилермо Очоа дарвозасини ишғол қилган зарбасини такрорлашга ҳаракат қилиб кўрди. Орадан бир неча дақиқа ўтиб, Машарипов жарима зарбасини амалга оширди ва унинг зарбасидан сўнг тўп дарвоза тўсинига тегди. Учрашув авалидаги ҳаяжон ўтиши билан ҳаммаси кескин ўзгарди. Имкониятлар пайдо бўла бошлади, ҳужумлар яратилди ва тўпга эгалик қилиш фоизи икки карра ошди.
18-дақиқада Игор Сергеевнинг саъй-ҳаракатлари эвазига ҳисоб 2:0 кўринишига келди. Ниҳоят, Сречко Катанес номинал марказий ҳужум чизиғида Остон Ўруновни эмас, балки фойдалироқ бўлган Сергеевга имконият берди. Бироқ, бу голда ҳам Аббос Файзуллаев катта саҳнага чиқди. Майдон марказида у рақибдан тўпни олиб қўйди ва ўзи ҳужум ташкил қилди, унинг узатмасидан сўнг ҳимоячи ўз дарвозасини ишғол қилишига бир бахя қолди. Тўп дарвоза устунига тегиб, майдонга қайтди, тўпга биринчи бўлиб Сергеев етиб келди ва орадаги фарқни иккитага етказди.
Ҳужумчи учун бу гол терма жамоадаги юбилей голига айланди. Сергеев 20-голини урди ва миллий терма жамоанинг 90 йиллардаги афсонаси Игор Шквиринга етиб олди.
35-дақиқада Машариповнинг заргарона узатмасидан сўнг Файзуллаев дарвозабон билан деярли бирга-бир ҳолатга чиқди, лекин бу сафар унинг зарбасини дарвозабон қайтаришга муваффақ бўлди. Биринчи бўлимга қўшиб берилган дақиқаларда Фаррух Сайфиевнинг жарима майдончасига узатган тўпини Шерзод Насруллаев дарвозага жойлаб қўйди.
Қизиғи шундаки, барча голларни 1-турда ўйинни захирадан бошлаган футболчилар киритди. Бу бош мураббийнинг таркиб танлашдаги хатоларини ҳам кўрсатиб берди.
Танаффусда Катанес тактик ўзгариш қилганини қўшимча қилиш жоиз. Шерзод Насруллаевга дам беришга қарор қилиб, унинг ўрнига майдонга ўнг қанот ҳимояси Зафармурод Абдураҳматов туширди. Ўйинни ўнг қанотда бошлаган Фаррух Сайфиев ўзининг чап қанотига қайтди.
Иккинчи бўлим бошида ҳиндлар Ўткир Юсупов дарвозаси қаршисида бир нечта ҳужумлар уюштирди. Дарвозага йўлланган зарбалардан бири устунга тегиб қайтди. Аммо ўйиннинг қолган қисмида сифатли ижрочиларга эга бўлмаган Ҳиндистон Ўзбекистон терма жамоасига етарлича қаршилик кўрсата олмади. Ўзбекистон терма жамоаси эса биринчи ўйиндаги хатоларни тўғрилади ва кейинги босқич масаласини муддатидан олдин ҳал қилган Австралияга қарши катта иштиёқ билан ҳозирлик кўрмоқда.
Миржалол Норқобилов таржимаси
Изоҳ (0)