Россиянинг Иркуцк вилоятида 14 яшар қизнинг қўлида телефон зарядловчи қурилма портлаб кетди. Қиз икки қўлидан билагигача айрилган, деб ёзади “112” Telegram канали.
Хабарга кўра, қиз телефони қувватланаётган вақтда онлайн ўйин ўйнаган. Бу вақтда онаси уч фарзанди билан телевизор кўраётган, отаси эса уй юмушлари билан шуғулланаётган. Портлашдан кейин бутун оила ошхонага югуриб кириб, полда қонга беланиб ётган қизни кўрган.
Қизнинг боши, кўкрак қафаси, қорни ва оёқлари ҳам жароҳатлангани айтилмоқда. Жабрланувчининг онаси тез ёрдам чақирган. Қиз зудлик билан операция қилинган, шифокорлар унинг танасидан қувватлагичнинг пластик синиқларини олиб ташлаган.
Дастлабки маълумотларга кўра, портлаш қиз электр тармоғидан қувватлагични узмоқчи бўлганида содир бўлган, шу пайтда қисқа туташув кузатилган. Ҳолат юзасидан терговчилар жиноий иш қўзғатган. Федерал хавфсизлик хизмати терговга қўшилган ва воқеада кутилмаган бурилиш пайдо бўлган.
Гап шундаки, мутахассислар қизнинг ота-онаси томонидан айтилган айбловни ҳақиқат деб ҳисобламайди. Уларнинг фикрига кўра, портлаш аслида бундай жиддий жароҳатлар учун анча кучлилик қилади. Иккинчидан, хонадаги тўртта дераза ҳам синиб кетган ва мебеллар шикастланган. Газ печининг портлаши мумкинлиги ҳақидаги версия мавжуд эди. Аслида нима бўлганини тергов аниқлайди.
Изоҳ (0)