Таътилда ёки зиёратда алоқада қолиш янада осонлашади: бутун 2024 йил давомида Beeline Uzbekistan роуминг хизматларига чегирмалар тақдим этади.
Beeline Uzbekistan роумингда қўнғироқлар нархи бўйича қулай таклифлар мавжуд бўлган сайёҳлик йўналишлари сонини оширмоқда. Энди Beeline мижозлари Туркия, Миср, Таиланд, Шри-Ланка, Малайзия, Вьетнам, Камбоджа, Индонезия, Испания, Греция, Черногория, Кипр, Хорватия, Мексика ва Сейшел ороллари каби 15 та давлатда арзонлаштирилган нархларда мулоқот қилишлари мумкин.
Ўзбекистонга чиқувчи қўнғироқлар, қабул қилувчи мамлакатдаги маҳаллий рақамларга қўнғироқлар, шунингдек, барча кирувчи қўнғироқлар дақиқасига атиги 7500 сўмни ташкил этади.
Бундан ташқари, Beeline Uzbekistan ҳар йили Саудия Арабистонида роуминг хизматларига 80% гача чегирма тақдим этади. Бу зиёратга боришни режалаштираётган ёки аллақачон йўл олган мижозлар учун ажойиб янгилик.
Ўзбекистонга чиқувчи қўнғироқлар, Саудия Арабистонидаги маҳаллий рақамларга қўнғироқлар, шунингдек, барча кирувчи қўнғироқлар бир дақиқа учун бор-йўғи 4000 сўм, SMS – ҳар бир хабар учун 1000 сўмни ташкил этади. Интернетни фаоллаштиришда мижозларга автоматик равишда 20 000 сўмга кунлик 100 МБ интернет-пакет уланади, у куннинг охиригача амал қилади.
Бошқа давлатга ташриф буюришда, қўшимча уланишлар талаб қилинмайди – шунчаки балансингизни тўлдиринг ва яқинларингиз билан арзон нархларда мулоқот қилиб, саёҳатингиздан завқланинг.
“Beeline Uzbekistan билан дунёнинг исталган нуқтасида яқинларингиз ва дўстларингиз билан алоқада бўлиш осон ва қулайроқ бўлади. Янги махсус таклифлар мижозларимизга мулоқот қилиш, завқ билан саёҳат қилиш ва доимо алоқада бўлиш имконини беради!» — дея изоҳ берди Beeline Uzbekistan тижорат директори Максим Ефремов.
Таклифлар олдиндан тўлов тизимидаги мижозлар учун мавжуд ва улар 2024 йил 31 декабргача амал қилади.
15 мамлакатда амал қиладиган акция, шунингдек, Саудия Арабистонига саёҳатчилар учун амал қиладиган таклиф ҳақида компания сайтида батафсил маълумот олишингиз мумкин.
***
Unitel МЧЖ 2006 йилнинг 12 сентябридан бошлаб Beeline Uzbekistan савдо белгиси остида хизматлар кўрсатиб келмоқда. Beeline Uzbekistan бош қароргоҳи Амстердам (Нидерландия) шаҳрида жойлашган VEON халқаро телекоммуникация холдинги таркибига киради.
VEON 6 мамлакатда 160 миллиондан ортиқ абонентга эга глобал телекоммуникация ва интернет хизматларини провайдери. Унинг акциялари NASDAQ ва Euronext Amsterdam фонд бозорларида жойлашган.
Beeline Uzbekistan'да 1,6 мингга яқин ходим ишлайди. 2006 йилдан буён Ўзбекистон бозорига кириши билан VEON мамлакат телекоммуникация соҳасига 1,4 миллиард АҚШ долларидан ортиқ сармоя киритди. Unitel МЧЖ — Ўзбекистоннинг йирик солиқ тўловчи компанияларидан бири. Beeline СБ'нинг Ўзбекистондаги фаолияти давомида 2 миллиард доллардан ортиқ солиқ тўланган.
Сайт: beeline.uz
Facebook: @beeline.uz
Instagram: @beeline_uzbekistan
Telegram: @beelineuzbekistan
Twitter: @beeline_uz
LinkedIn: @beeline-uzbekistan
Reklama huquqi asosida.
Изоҳ (0)