Ўтган 2023 йил Asia Alliance Банк учун самарали йиллардан бири бўлиб, халқаро молия институтлари билан амалга оширилган бир қатор муваффақиятли лойиҳаларга бой бўлди. Бу эса банкнинг хорижий ҳамкорлари орасидаги мавқеини ошириб, ички бозорда банкнинг етакчи ўрнини мустаҳкамлашга хизмат қилди. Йил якуни Швейцариянинг Symbiotics Investments компанияси билан ҳамкорлик алоқаларининг йўлга қўйилганлиги билан аҳамиятли бўлди.
Мижозларнинг молиялаштиришга бўлган қизиқиши ҳамда эҳтиёжининг ортиб бораётганини инобатга олган ҳолда, 2024 йил бошида Symbiotics Investments Asia Alliance Банкга Ўзбекистон Республикасидаги кичик ва ўрта бизнес ҳамда микрофирмалар лойиҳаларини молиялаштириш учун 4 500 000 АҚШ доллари миқдорида миллий валюта эквивалентида кредит ажратди. Мазкур маблағлар Сймбиотиcс Investments томонидан МСME Бондс С.А. компаниясининг Люксембургда рўйхатдан ўтган махсус платформасида облигациялар чиқариш орқали тақдим этилди.
Илк бор хорижий молия институтларидан миллий валютада маблағларнинг жалб қилиниши Asia Alliance Банк учун аҳамиятлидир. Бу шунингдек, кичик ва ўрта бизнес ҳамда микрофирмалар лойиҳаларини қулай шартларда, шу билан бирга валюта рискларининг олдини олган ҳолда молиялаштириш имконини беради.
Ўз навбатида, мазкур битим Asia Alliance Банкнинг бошқа халқаро молия институтлари билан ҳамкорлик имкониятларини кенгайтиришга ва банк томонидан ўз мижозлари учун таклиф этиладиган молиялаштириш турларининг кўпайишига йўл очади, шунингдек, Ўзбекистоннинг инвестицион муҳитини яхшилашга ва иқтисодиётимиз ривожланишига ишончли ҳисса қўшади.
Маълумот учун:
Asia Alliance Банк 2009 йилда ташкил этилган бўлиб, юридик ва жисмоний шахсларга кенг турдаги замонавий ҳамда анъанавий банк хизматларини тақдим этадиган универсал молия муассасаси ҳисобланади. Ҳозирги кунда Asia Alliance Банк Республиканинг бешта ҳудудида фаолият юритиб, 450 000 дан ортиқ мижозларга хизмат кўрсатмоқда. Тўғри танланган стратегия, изчил молиявий сиёсат ва мижозлар орасида ишончли ҳамкор сифатидаги обрў-эътибор туфайли Банк янги маҳсулот ва хизматларни жорий этган ҳолда ўз мижозлари учун янада фойдали ҳамда қулай бўлиш йўлида муваффақиятли ишламоқда. Банк Жаҳон банки, Ислом тараққиёт банки, Осиё тараққиёт банки, Банк оф New Ёрк Меллон, Commerzbank АГ, Раиффеисен Банк International АГ, Landesbank Баден-Wуэрттемберг, Агриcултурал Банк оф China ва бошқа молия институтлар билан фаол ҳамкорлик қилмоқда.
Symbiotics - ривожланаётган мамлакатларда реал иқтисодиётни юксалтириш жараёнларини молиялаштириш учун инвесторларга кириш имкониятини тақдим этадиган йирик платформалардан биридир. Компаниялар гуруҳи бозор тадқиқотлари, инвестиция бўйича маслаҳатлар ва активларни бошқариш хизматларини таклиф қилади. Сймбиотиcс ташкил этилганидан буён 95 мамлакатда 580 дан ортиқ ташкилотга 7700 та транзакция орқали 9,6 млрд инвестиция киритган.
Реклама ҳуқуқи асосида.
Изоҳ (0)