Дания қироличаси Маргрете II тахтдан воз кечиб, уни ўғли, валиаҳд шаҳзода Фредерик Х га топширди. Тахтдан воз кечиш маросими 14 январь куни Копенгагенда бўлиб ўтди. Бу ҳақда Bild хабар берди.
900 йил ичида биринчи марта мамлакат монархи ўз хоҳишига кўра тахтдан воз кечди. Маргрете II Кристиансборг қироллик қалъасида бўлиб ўтган Давлат кенгаши йиғилишида тахтдан воз кечиш тўғрисида имзо чекди. У 52 йил ҳукмронлик қилди ва Европадаги энг узоқ ҳукмронлик қилган монарх бўлди.
Маросимдан сўнг бош вазир Метте Фредериксен Кристианборг балконидан Маргрете II нинг ўғли Фредерик Х ни янги қирол деб эълон қилди. Унинг ўғли шаҳзода Кристиан эса тахтнинг навбатдаги вориси деб эълон қилинди.
“Маргрете II мамлакат тарихидаги энг узоқ вақт ҳукмронлик қилган монарх эди. Кўпчилик малика ҳам олдингилар сингари ўлимигача ҳукмронлик қилади, деб кутган”, — деб ёзади Bild нашри.
Маргрете II 1972 йилда отаси қирол Фредерик IX ўрнига тахтда ўтирган. Британия қироличаси Елизавета II вафотидан кейин у Европадаги энг узоқ ҳукмронлик қилган монархга айланганди.
Изоҳ (0)