Самарқанд ва Наманган вилоятларида ноқонуний йўллар билан хорижий давлатларга юборишни ваъда қилган шахслар қўлга олинди. Бу ҳақда Бош прокуратура ҳузуридаги департамент хабар берди.
.jpg)
Маълум қилинишича, департаментнинг Самарқанд вилоят бошқармаси томонидан ДХХ ва ИИБ ходимлари билан ҳамкорликда тезкор тадбир ўтказилган. Тадбирда С.С. исмли шахс фуқаро М.А.ни 18 минг доллар эвазига Туркия, Қатар ва Мексика давлатлари орқали Америка Қўшма Штатларига ўтказиб қўйишни ваъда қилиб, шундан 9 минг долларни олган вақтида ашёвий далиллар билан ушланган.
Департаментнинг Наманган вилоят бошқармаси томонидан ўтказилган терговга қадар текширувда М.У. исмли шахс фуқаро А.А.нинг ишончига кириб, унинг ўғли Д.Н.ни Жанубий Корея давлатига ишга юбориш учун танишлари ёрдамида виза олиб бериши эвазига 2,6 минг долларини фирибгарлик йўли билан қўлга киритгани аниқланиб, ушбу пуллар ҳисобидан 300 долларнинг қайтарилиши процессуал тартибда расмийлаштирилган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Сентябрь бошида АҚШ президенти Жо Байден маъмурияти Ўзбекистондан АҚШга одамларни ноқонуний олиб киришга уринган жиноий тармоқни аниқлашга ва фаолиятини тўхтатишга муваффақ бўлгани маълум қилинган эди. 11 сентябрь куни Самарқандда 14 минг доллар эвазига Самарқанд—Истанбул—Мадрид—Никарагуа йўналиши билан АҚШга ишга жўнатишни ваъда қилган шахс қўлга олинганди.
Ноябрь охирларида АҚШ Ички хавфсизлик департаменти АҚШ—Мексика чегараси орқали Америкага киришга уринаётган фуқароларни чиқариб юбориш сиёсати бўйича ўзгартиришларни эълон қилганди.
Изоҳ (0)