Дунёдаги энг кучли армиялар рейтингида Ўзбекистон армияси 65-ўринни эгаллади. Тегишли рейтинг 2024 йил январида Global Firepower халқаро компанияси томонидан эълон қилинди.
Рейтингдан 145 та давлат ўрин олган. Унда кучли учталикни АҚШ, Россия, Хитой эгаллади. Ундан кейинги ўринлардан Ҳиндистон, Жанубий Корея ва Буюк Британия, Япония, Туркия жой олди.
Марказий Осиё давлатлари ҳарбий қудрати бўйича қуйидаги ўринларда:
- Қозоғистон — 58-ўрин;
- Ўзбекистон — 65-ўрин;
- Туркманистон — 83-ўрин;
- Қирғизистон — 100-ўрин;
- Тожикистон — 107-ўрин;
- Афғонистон — 115-ўрин.
Маълумот учун, Global Firepower’нинг 2023 йилги рейтингида Ўзбекистон армияси 62-ўринни олганди.
Ушбу рейтинг 60 та кўрсаткич инобатга олинган ҳолда тузилади. Уни тузишда географик омиллар, табиий захиралар, молиявий барқарорлик ва маҳаллий саноатнинг ривожлангани ҳам аҳамиятга эга. Армияларнинг қудратлилигини баҳолашда ядро қуроли борлиги, денгизга чиқишга эга бўлмаган давлатларда флот йўқлиги ҳисобга олинмайди.
Изоҳ (0)