Ўзбекистон ТИВ ҳузуридаги Халқаро алоқалар ахборот-таҳлил марказига Санжар Валиев раҳбар этиб тайинланди, деб хабар бермоқда “Дунё” АА.
Маълум қилинишича, 48 ёшли Санжар Валиев шу кунга қадар Президенти Администрациясининг Ташқи алоқалар хизматида ишлаб келган.
У узоқ йиллар давомида Стратегик ва минтақалараро тадқиқотлар институтида, шунингдек, Ўзбекистондаги бошқа таҳлил марказларида ташқи сиёсат масалалари бўйича тадқиқот ишларини олиб борган.
Санжар Валиев 2019—2023 йилларда Халқаро алоқалар ахборот-таҳлил марказига раҳбарлик қилган Дониёр Қурбонов ўрнига тайинланди.
Эслатиб ўтамиз, Халқаро алоқалар ахборот-таҳлил маркази 2016 йилда ташқи сиёсат, халқаро сиёсий ва иқтисодий алоқалар соҳасида кенг қамровли тадқиқотлар олиб бориш мақсадида ташкил этилган.
Изоҳ (0)