Божхона қўмитаси божхоначиларга формали кийим-бошлар етказиб бериш бўйича танлов (тендер) ўтказилгани, тендерда таъсисчиси бир киши экани гумонланаётган икки МЧЖ иштирок этиб, 8 декабрь — дам олиш куни тендер ғолиби аниқлани ҳақида хабар берилган эди.
Таъкидланишича, тендерда “Leyla Stile” ва “Kreativ” МЧЖлар иштирок этиб, божхоначилар формасини етказиб бериш бўйича 1 миллиард 600 миллион 704 минг сўм нарх таклиф қилган “Leyla Stile” МЧЖ ғолиб деб топилган.
Очиқ манбалардаги маълумотларга кўра, тендерда ўзаро курашиб ғолиб ва мағлуб деб топилган икки компания бир-бирига боғлиқ. “Leyla Stile” МЧЖнинг таъсисчиларидан бири Бурнашева Ирада Илдаровна муқаддам “Кreativ” МЧЖ раҳбари ва ягона таъсисчиси бўлган. Шунингдек, “Leyla Stile” МЧЖ жойлашган манзил — Юзробод кўчаси 1-2-уйда “Кreativ” МЧЖ ҳам фаолият юритган. “Kreativ” МЧЖнинг электрон почта манзили сифатида burnashevairada@gmail.com кўрсатилган, — дейилади хабарда.
Мазкур ҳолат юзасидан Коррупцияга қарши курашиш агентлиги ахборот хизмати “Дарё”га изоҳ берди.
“Буюртмачи томонидан мазкур давлат харидини амалга оширишда қўпол қонунбузилиши ҳолатларига йўл қўйилганлиги аниқланмади”, — дейилади агентлик ахборотида.
Изоҳ (0)