Украина Қуролли кучлари бош қўмондони Валерий Залужний Олий Радада сафарбарлик тўғрисидаги қонунни муҳокама қилиш чоғида шахсий таркиб билан боғлиқ мураккаб вазият ҳақида гапирди. Бу ҳақда NV хабар берди.
Украина Қуролли кучлари бош қўмондони маҳбуслар ва жиноятчиларни армияга жалб қилиш нормасига қарши чиққан. У армия “ёмон одамлар учун эмас”лигини таъкидлаган.
“Менга одамлар керак, руслар аллақачон 400 минг кишини сафарбарликка чақирган ва июнь ойига 400 минггача жангчи тайёрламоқда. Ким билан жанг қилиш керак? Ё дунёга юзланиб, у ердаги одамлардан сўранг, ёки (армияни аскарлар билан — “Дарё” таҳрири) таъминлай олмасангиз сизлар (депутатлар) урушга боринг”, — деди Залужний.
4 январь, пайшанба куни парламент қўмитаси сафарбарликни кучайтириш тўғрисидаги қонун лойиҳасини кўриб чиқишга киришди. Залужний ва мудофаа вазири Рустам Умеров сафарбарликни кучайтириш “урушнинг объектив таркибий қисми” эканини айтди.
8 январь куни қўмита қонун лойиҳасининг келажаги бўйича қарор қабул қилиши керак. Аввалроқ Украина президенти Владимир Зеленский сафарбарликни кучайтиришдан бошқа илож йўқлигини айтганди.
Изоҳ (0)