Магадан мэри Юрий Гришан Белгороддаги одамларнинг ўлими туфайли шаҳардаги барча расмий Янги йил тантаналарини бекор қилди.
“Ҳурматли Магадан аҳолиси, ишончим комилки, ҳамма Белгородда содир бўлган сўнгги воқеаларни кузатиб бормоқда. Белгороднинг ўққа тутилишида ҳалок бўлганларнинг оила аъзолари ва яқинларига чуқур ҳамдардлик билдираман. Шундан келиб чиққан ҳолда, Янги йил тадбирларини ўтказишни ноўрин деб ҳисоблайман”, — деб ёзди Гришан Telegram даги каналида.
Россиянинг бошқа шаҳарлари — Владивосток, Благовешченск, Петропавловск-Камчатскийда ҳам Янги йил тантаналари, жумладан байрам салютлари бекор қилинди.
Украина ҳарбийлари 30 декабрь куни тушдан кейин Белгород шаҳри марказини ўққа тутди.
Ҳодиса оқибатида, дастлабки маълумотларига кўра, 14 киши ҳалок бўлган, юздан ортиқ киши жароҳатланган. Гувоҳлар отишмани уруш бошланганидан бери энг оғир отишмалардан бири деб атаган.
Бугун 31 декабрь куни янгиланган маълумотларга кўра, Белгороддаги отишма қурбонлари сони 24 нафарга етган. Бу ҳақида Белгород губернатори Вячеслав Гладков Telegram даги каналида маълум қилди.
Изоҳ (0)