АҚШ Давлат департаменти Исроилга 155 мм М107 артиллерия снарядлари ва тегишли асбоб-ускуналарни зудлик билан сотишни маъқуллади. Бу ҳақда Пентагон таркибига кирувчи Хавфсизлик бўйича ҳамкорлик агентлиги хабар қилди.
“Қўшма Штатлар Исроил хавфсизлигини таъминлаш тарафдори. Исроилга ўзини ўзи мудофаа қилиш қобилиятини ривожлантириш ва қўллаб-қувватлашда ёрдам бериш АҚШ миллий манфаатлари учун жуда муҳимдир. Таклиф этилаётган савдо ушбу мақсадларга мос келади”, — дейилади департамент баёнотида.
Оммавий ахборот воситаларининг ушбу мавзу бўйича хабар беришича, АҚШ Давлат котиби Энтони Блинкен Конгрессни фавқулодда вазият тўғрисида хабардор қилган. Бу эса ўқ-дориларни етказиб бериш муддатини тезлаштиришга ёрдам беради.
Снарядларнинг умуний қиймати 147,5 миллион долларни ташкил қилади. Ўқ-дорилар Пентагон заҳираларидан етказиб берилиши қўшимча қилинган.
Изоҳ (0)