Украина Молия вазирлиги маълумотларига кўра, Киев Жаҳон банкидан “Украинада барқарор бошқарув учун давлат харажатларини қўллаб-қувватлаш” дастури доирасида 1,34 миллиард доллар олган.
Вазирлик баёнотида айтилишича, молиялаштириш Жаҳон банкининг 1,086 миллиард долларлик кредити, 190 миллион доллар Норвегия гранти, АҚШдан 50 миллион доллар ва Швейцариядан 20 миллион доллардан иборат ёрдам асосида шакллантирилган.
“Халқаро молиявий ёрдам молиявий ва иқтисодий барқарорликни сақлашга катта ҳисса қўшади ва уруш даврида устувор ижтимоий харажатларни қоплашга имкон беради”, — деди Украина молия вазири Сергей Марченко.
Вазирлик ушбу маблағлар Украина давлат бюджетининг хавфсизлик ва мудофаа билан боғлиқ бўлмаган харажатларини қисман қоплашга йўналтирилишини маълум қилди.
Хусусан, бу маблағ кексалик бўйича ижтимоий нафақаларга ҳамда Фавқулодда вазиятлар давлат хизмати ходимларига берилади.
Изоҳ (0)