Россия ТИВ расмий вакили Мария Захарованинг фикрича, Сербия пойтахти Белграддаги тартибсизликлар ортида коллектив Ғарб турибди.
“Коллектив Ғарбнинг Майдан тўнтариши усулларидан фойдаланган ҳолда мамлакатдаги вазиятни нотинч қилишга уринишлари яққол кўриниб турибди”, — деди у.
Захарованинг таъкидлашича, вазиятга ягона жавоб бу конституцияга қатъий риоя қилиш, миллий манфаатлар учун овоз берган серб халқининг танловини ҳурмат қилишдир.
24 декабрь куни кечқурун Белград парламент биноси яқинида бир ҳафта олдин ўтказилган парламент ва маҳаллий сайлов натижаларини бекор қилишни талаб қилиб, бир неча минг киши ҳукуматга қарши намойиш ўтказди.
Намойишчилар парламент биносига бир неча бор бостириб киришга уриниб, дераза ва эшикларга зарар етказган. Бинога тош ва бошқа нарсалар улоқтирилган. Ички ишлар вазирлиги намойишчиларни “бинога кирмасликка” чақирган. Полиция намойишчиларга қарши кўзни ёшлатувчи газ ва қалампир баллонларини ишлатиб, уларнинг ичкарига киришига тўсқинлик қилган.
Изоҳ (0)