Исроил расмийлари Ғазо секторидаги жанглар темпини пасайтириш зарурлигини англамоқда, бироқ бу айнан қачон содир бўлиши ҳозирча номаълум, деди Оқ уй Миллий хавфсизлик кенгашининг стратегик алоқалар бўйича координатори Жон Кирби.
“Исроил томони жанговар ҳаракатларнинг бошқа босқичига ўтиш зарурлигини таъкидламоқда. Мен ҳар қандай ҳарбий амалиётда турли хил тактикалардан фойдаланишни назарда тутяпман, бу ҳарбий ҳаракатларни ўтказиш учун стандарт амалиёт ҳисобланади”, — деди у.
Кирби бу ҳолатда гап жанговар ҳаракатлар интенсивлигини камайтириш ҳақида кетаётганини маълум қилди, бироқ Исроил буни қачон амалга оширишини билмаслигини тан олди.
Оқ уй вакилининг сўзларига кўра, агар Исроил томони шундай қадам ташлашга қарор қилса, бу келажакда Фаластин—Исроил можаросини ҳал қилишнинг “энг яхши натижаси”га эришишга ёрдам беради.
Изоҳ (0)