Сон Ҳён Мин «Тоттенҳэм»нинг Сеулдаги машғулотида ҳушидан кетди.
Лондонликлар бош мураббийи Антонио Конте 30 даража иссиқдаги икки соатлик машғулотдан сўнг футболчиларни майдон бўйлаб 42 марта югуртирган. 30 ёшли ярим ҳимоячи эса ҳушини йўқотиб, майдонга йиқилган. Ҳарри Кейн ва массажчилар унга ўрнидан туришга ёрдамлашган. Ҳужумчи ҳам ўзини ёмон ҳис қилгани, унинг кўнгли беҳузур бўлгани айтилмоқда.
«Шпорлар»нинг очиқ машғулоти 6 мингга яқин маҳаллий мухлислар иштирокида ўтказилди.
«Тоттенҳэм» Жанубий Кореядаги мавсумолди турнирида иштирок этади. Жамоанинг илк учрашуви 13 июлга белгиланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)