ЕЧЛ. “ПСЖ” ва “Боруссия Д” кейинги босқичга йўл олди, “Милан” эса Европа Лигасида ўйнайди, “Барселона” сафарда имкониятни бой бериб қўйди (видео)

Футбол бўйича Европа Чемпионлар Лигасининг 6-туридан ўрин олган ўйинлар 13 декабрь, чоршанба куни бўлиб ўтди.

F гуруҳида “ПСЖ” “Боруссия Д” меҳмони бўлди. Биринчи бўлимда дарвозалар ишғол этилмади. Иккинчи бўлимда эса немис жамоаси ҳисобни очди. 51-дақиқада Карим Адееми ўз номини таблога ёздирди. Орадан кўп вақт ўтмай, Заир-Эмери ҳисобни тенглаштирди. Қолган дақиқаларда гол урилмади ва ўйин 1:1 ҳисоби билан якунланди.

Гуруҳнинг иккинчи ўйинида “Милан” “Ньюкасл” устидан 2:1 ҳисобида ғалаба қозонди. Бироқ, ушбу ғалаба ҳам миланликларга етарли бўлмади. “Боруссия Д” 11 очко билан, “ПСЖ” эса 8 очко билан плей-оффга йўл олди. “Милан” эса 8 очко жамғарган бўлишига қарамай, қўшимча кўрсаткичлар бўйича парижликларга имкониятни бой бериб, Европа Лигасида ўйнайдиган бўлди.

Ўз гуруҳида плей-офф масаласини ҳал қилган “Барселона” сафарда “Антверпен” меҳмони бўлди. Учрашув 3:2 ҳисобида мезбонлар фойдасига ҳал бўлди. “Антверпен” сафида Артур Вермеерен, Винсент Янссен ва Жорж Иленикена ўз ҳисобига гол ёздириб қўйди. Каталонияликлар таркибида эса Ферран Торрес ва Марк Гиулар гол муаллифларига айланди.

Шунингдек, “Манчестер Сити” “Црвена Звезда” меҳмони бўлди ва 3:2 ҳисобида зафар қучди. “Шаҳарликлар” сафида Мика Ҳамилтон, Оскар Бобб ва Калвин Филлипслар дарвозани ишғол қилди.

ЕЧЛ

6-тур

13 декабрь, чоршанба

“Боруссия Д” – “ПСЖ” 1:1

Голлар: 1:0 – 51 Адееми, 1:1 – 56 Заир-Эмери.

“Ньюкасл” – “Милан” 1:2

Голлар: 1:0 – 33 Жоэлинтон, 1:1 – 59 Пулишич, 1:2 – 84 Чуквуэзе.

“Антверпен” – “Барселона” 3:2

Голлар: 1:0 – 2 Вермерен, 1:1 – 35 Ферран Торрес, 2:1 – 56 Янссен, 2:2 – 90 Гиу, 3:2 – 90 Иленикена.

“Црвена Звезда” – “Манчестер Сити” 2:3

Голлар: 0:1 – 19 Ҳамилтон, 0:2 – 62 Бобб, 1:2 – 76 Хван Ин Бом, 1:3 – 85 Филлипс (пенальти), 2:3 – 90 Катаи.