Ўзбекистоннинг Tashkent City Women Professional Cycling Team аёллар профессионал велоспорт жамоаси илк бор Жаҳон турнесида иштирок этиш ҳуқуқини қўлга киритди.
12 декабрь куни Халқаро велоспортчилар иттифоқи (UCI) 2024 йилги мавсум учун World Tour’да иштирок этиш учун лицензияни қўлга киритган 15 та жамоа номини эълон қилди.
Ушбу жамоалар ичида Ўзбекистоннинг Tashkent City Women Professional Cycling Team ҳам ўрин олган. Шу тариқа ўзбекистонлик велоспортчилар ҳам 2024 йилги World Tour аёллар велопойгасида иштирок этадиган бўлди.
Бу ўзбек велоспорти тарихида илк бор юз бераётган воқеа ҳисобланади. Ўзбекистонлик велопойгачилар 2024 йилги мавсумда Tour de France, Tour de France femmes vec zwift, Tour de L’avenir, Grio D’italia Ita, 2Strade Bianche, La vuelta ciclista a Espana каби турнирларда иштирок этади.
.jpg)
Эслатиб ўтамиз, аввалроқ, Ўзбекистон велоспорт терма жамоаси 2024 йилги Париж Олимпиадасига йўлланмани қўлга киритганди.
Изоҳ (0)