“Микрокредитбанк”нинг Тошкент шаҳар Чилонзор туманида жойлашган бош офиси биноси сотувга қўйилди. Бу ҳақда “E-auksion” маълумотларида келтирилган.
Тўрт қаватли бино 1982 йилда қурилган бўлиб, Оқтепа майдони яқинидаги 0,34 гектар ер участкасида жойлашган. Бино ичида умумий майдони 940 квадрат метр бўлган 89 та хона мавжуд. Шундан фойдали майдони 849 квадрат метрни ташкил қилади.
Бинода барча коммуникациялар — электр, газ, сув ва канализация бор. Лотнинг бошланғич нархи 115,3 миллиард сўм, закалат пули эса 1,1 миллиард сўмни ташкил этади.
.jpg)
Аукцион 12 январь куни 10:00 да ўтказилади ҳамда аризалар шу куни соат 09:00 га қадар қабул қилинади.
Эслатиб ўтамиз, апрель ойида Тошкент шаҳар Чилонзор тумани Новза кўчасидаги маъмурий бино ва иншоотлар кимошди савдосига қўйилганди. Февралда эса Самарқанд вилояти Қўшработ тумани “Қўрғон” қишлоғидаги молхона ва агрофирма иншоотлари кимошди савдосига чиқарилиши айтилган эди.
Изоҳ (0)