Қирғизистоннинг Иссиқкўл вилояти ҳудудида россиялик инвесторлар кўмагида қиймати 191 миллион долларлик тоғ-дам олиш мажмуаси қурилиши бошланди. Қирғизистон раҳбари матбуот хизмати хабар беришича, объектни қуришга старт бериш маросимида Садир Жапаров иштирок этди.
“6 декабрь куни Қирғизистон Республикаси президенти Садир Жапаров Иссиқкўл вилоятига амалий ташрифи доирасида “Қарқира” тоғ-дам олиш мажмуаси қурилишини бошлаб берди”, — дейилади матбуот хизмати хабарида.
Капсула қўйиш маросими бошланишидан аввал инвесторлар концепцияга кўра, халқаро стандартлар бўйича йил давомида фаолият юритувчи тоғ-дам олиш мажмуаси барпо этилиб, дам олиш маскани мақомини олишини маълум қилди.
Бир неча босқичда амалга ошириладиган лойиҳанинг тахминий қиймати 191 миллион долларни ташкил этади. Президент матбуот хизмати хабарида қурилишда иштирок этаётган Россия компанияларининг номи кўрсатилмаган. Бироқ “Tazabek” интернет нашрининг қайд этишича, маросимда бир қатор Россия компанияларининг эгаси ва ҳаммуаллифи бўлган тадбиркор Аркадий Чернов иштирок этган.
Қирғизистон, айниқса, Иссиқкўл нафақат ёзда, балки қишда ҳам бошқача. Агар худди шундай “Қоракўл” тоғ-чанғи курортини оладиган бўлсак, у МДҲ мамлакатлари қишки курортлари орасида етакчи ўринни эгаллайди, буни хорижий мамлакатлардан келган сайёҳларнинг ҳайратли шарҳлари ҳам тасдиқлайди. Қолаверса, “Қоракўл” тоғ-чанғи курортига ҳар йили нафақат хорижлик, балки маҳаллий сайёҳлар ҳам кўп келишига барчамиз гувоҳ бўламиз. Шундай шароитда “Қарқира” тоғ-дам олиш мажмуасини барпо этиш давр талаби ва сайёҳлар истаги десам, адашмайман, — дея Жапаровнинг сўзларини келтиради матбуот хизмати.
Президентнинг сўзларига кўра, янги соғломлаштириш мажмуаси “машинада бориш учун жуда қулай” бўлади.
Бундай мажмуани барпо этиш орқали табиий бойликларимиздан халқимиз ва юртимиз манфаати йўлида фойдаланишимизга ишонаман, – деди у.
Қирғизистон раҳбари “Қарқира” лойиҳасининг амалга оширилиши Россия билан “иқтисодий ва маданий алоқаларни мустаҳкамлашга катта туртки” беришига ишонч билдирди.
Изоҳ (0)