11 млн товар ва 10 та шаҳарда 100 та тарқатиш пункти: Uzum Market куз натижалари билан бўлишди

3 ой ичида Uzum Market миллий маркетплейси кунига буюртмалар сони бўйича янги рекорд ўрнатди, янги омборни ишга туширди, география ва ассортиментни кенгайтирди.

Савдо рекордлари

11.11 савдосининг дастлабки 24 соатида ўзбекистонликлар 130 мингдан ортиқ буюртма беришди — бу ўтган йилга нисбатан 15 баравар кўп. Йилнинг асосий савдосида мамлакат аҳолиси Узум Маркетда жами 618 440 та буюртма берди, энг фаол харидорлар Тошкент, Самарқанд ва Бухородан бўлди. 

Ҳаммаси бўлиб, 3 ой ичида мамлакат аҳолиси миллий маркетплейсда 11 миллиондан ортиқ товар сотиб олишди. Буюртмалар сони бўйича гўзаллик ва соғлиқ учун товарлар, озиқ-овқат маҳсулотлари, маиший техника ва электроника, шунингдек уй-рўзғор буюмлари етакчи ўринни эгаллади. 

Узум Маркетда савдолар давом этмоқда — 4 декабрга қадар миллий маркетплейсда "Кибердушанба", яъни электроника ва маиший техникага чегирмалар амал қилади. 

Логистика ва сотувчилар

Буюртмалар сингари сотувчиларнинг сони ҳам осиб бораётганда — фақат ноябрь ойида миллий маркетплейсда яна 1134 сотувчи рўйхатдан ўтган — хизмат сифатини сақлаб қолиш учун Uzum Market 18 минг кв. метр майдонга эга янги омборни ишга туширди. Тошкентнинг Сергели туманида жойлашган янги омбор 5 миллиондан ортиқ товарларни жойлаштиришга имкон беради. 

Uzum Market омборларидан товарлар ҳар куни мамлакатнинг барча ҳудудларидаги 72 та шаҳарга жўнатилади. 3 ой ичида маркетплейс жамоаси 10 та янги шаҳарда 100 дан ортиқ янги буюртма тарқатиш пунктларини ишга туширди. Умуман олганда, Uzum Market тарқатиш пунктлари тармоғи бугунги кунда бутун мамлакат бўйлаб сони 336 та ва мамлакатдаги энг йирик ҳисобланади.

Сервислар интеграцияси

11.11 савдосида буюртмаларнинг қарийб 45% Узум Насия муддатли тўлов усули билан тўланган, уни Узум Маркетда расмийлаштириш мумкин. Октябрь ойида маркетплейс иловаси фойдаланувчилари Uzum Tezkor орқали кафе ва ресторанлардан севимли таомларни етказиб беришга буюртма бериш имкониятига эга бўлишди. Шунда, маркетплейс фойдаланувчилари Uzum Tezkorга буюртма бериш учун қайта рўйхатдан ўтишлари керак эмас. 

Бугун Uzum Tezkorда Тошкент ва Андижондаги 700 дан ортиқ кафе ва ресторанлардан етказиб бериш имконияти мавжуд, ноябрь ойида эса сервис Макро супермаркетларидан товарларни экспресс-етказиб беришни ҳам йўлга қўйди.

— Биз мамлакатнинг миллионлаб аҳолисига юз минглаб товарларни харид қилиш, тадбиркорларга эса ўз товарларини маркетплейснинг логистика ва IT инфратузилмасидан фойдаланган ҳолда бутун мамлакат бўйлаб сотиш имкониятини берадиган миллий платформани яратмоқдамиз, — дейди Uzum Market бош директори Илшат Хаметов. — Бир йилдан бери биз секинлашмасдан бутун мамлакат бўйлаб инфратузилмани ривожлантирмоқдамиз ва келгуси йилда биз мамлакатдаги энг йирик логистика мажмуасининг биринчи қисмини ишга туширамиз. 2024 йилда Uzum Market буюртма тарқатиш пунктлари 10 мингдан ортиқ аҳолиси бўлган мамлакатнинг ҳар бир аҳоли пунктида бўлади.

Шериклик ҳуқуқи асосида.