Санкт-Петербургда 49 ёшли Ўзбекистон фуқароси қурилиш майдончасида йиқилиб, касалхонага ётқизилди. Бу ҳақда “Фонтанка” хабар берди.
Воқеа Шушарида содир бўлган. Эркак Москва шоссесида ангарларда ишлаётган вақтда баландликдан йиқилиб тушган. Қурилиш майдончасида видеокузатув камераси йўқлиги сабабли аниқ маълумот мавжуд эмас.
Эркак бошнинг очиқ жароҳати, мия шиши, бош мия контузияси ва бошқа оғир жароҳатлар билан касалхонага ётқизилган. Мигрант 2021 йилда Санкт-Петербургга келган. Аввалига у миграция органларида рўйхатдан ўтган, аммо кейинчалик ҳужжатларнинг амал қилиш муддати тугаган ва у Россияда ноқонуний бўлган.
Изоҳ (0)