2023 йил 28 ноябрдан 30 ноябрга қадар Huawei компанияси иштирокида “Юксалиш” Умуммиллий ҳаракатининг навбатдаги “Бир миллион дарахт” экоакцияси бўлиб ўтмоқда. Ободонлаштириш ва кўкаламзорлаштириш бўйича мазкур акция “Яшил макон” миллий лойиҳасига бағишланган бўлиб, Ўзбекистон ёзувчилар ва шоирлар давлат боғи (Адиблар хиёбони), Республика болалар ижтимоий мослашуви марказида (РБИММ) ва Тошкентдаги учта мактабда ўтказилмоқда.
28 ноябрь куни “Юксалиш” Умуммиллий ҳаракати ва Huawei компанияси ходимлари иштирокида Адиблар хиёбони ҳудудида “Бир миллион дарахт” дарахт кўчатлари экиш лойиҳаси доирасида эко-тадбир ўтказилди. Ажратиб берилган ҳудудга Ботаника боғи мутахассисларининг тавсиялари асосида танлаб олинган ҳамда иқлим шарт-шароитига чидамли қарағай, шумтол, чинор каби дарахт турлари экилди.
29 ва 30 ноябрь кунлари акция Республика болалар ижтимоий мослашуви марказида, шунингдек, пойтахтимиздаги учта умумтаълим мактаблари (297-сонли, 312 ва 2-сонли мактаблар) да давом этди. Экиш учун майдонларни танлашда объектларнинг ижтимоий аҳамияти, тупроқ шароити, суғориш тизими, шунингдек, дарахтларни кейинчалик парвариш қилиш шарт-шароитлари инобатга олинган. 2020 йилдан бери Huawei ўзининг Green Uzbekistan. ташаббуси доирасида “яшил” лойиҳаларини амалга оширишда фаол иштирок этиб келмоқда. Мазкур ташаббус ўзида атроф-муҳитни қўллаб-қувватлаш ҳамда табиий ресурсларни сақлаш учун инновацион “яшил” технологияларни жорий этишни, шунингдек, ободонлаштириш бўйича ижтимоий тадбирларни ўзаро бирлаштиради. Ўтган йиллар давомида “Юксалиш” билан ҳамкорликда Тошкент халқаро таълим университети, “Дўстлик” боғи, Бўстонлиқ туманида, Миллий болалар тиббиёт маркази, шунингдек, пойтахтимиздаги мактаблар ҳудудларида кўчатлар экилди.
Яшил технологиялар ва экологик ҳаракатларга эътибор қаратишдан ташқари, Huawei рақамли технологиялар ҳисобидан экологик қиймат яратишга қизиққан ёш истеъдод соҳибларини ҳам қўллаб-қувватлайди. Сентябрь ойида Huawei Tech4Good минтақавий танловида ғолибликни қўлга киритган Techно Минд жамоаси сафидаги ўзбекистонлик талабалар Талент анд Green Summit да иштирок этишга таклиф қилинди. Ушбу саммит жорий йилнинг 5 декабрида Huawei компаниясининг COP-28 иқлим конференциясидаги тадбирлари доирасида Дубайда (БАА) бўлиб ўтади. Ўзбекистон жамоаси ўзининг Aquaтибиа лойиҳаси – қишлоқ хўжалиги учун рақамли ечимлардан фойдаланган ҳолда сув ва тупроқдаги туз ва оғир металлар миқдорини камайтириш учун инновацион сувни филтрлаш тизимини тақдим этади.
Реклама ҳуқуқи асосида.
Изоҳ (0)