Футбол бўйича Ўзбекистон терма жамоаси 21 ноябрь, сешанба куни ЖЧ—2026 саралаши доирасида Эронга қарши майдонга тушади.
Учрашув олдидан Эрон терма жамоаси ёрдамчи мураббийи Антонио Маниконе матбуот анжуманида иштирок этди.
Жамоамиз бош мураббийи Амир Галенои бетоб бўлиб қолгани сабабли матбуот анжуманида иштирок эта олмайди. Ўйин ҳақида гапирадиган бўлсам, Ўзбекистонни жуда яхши биламиз, у билан аввал ҳам тўқнаш келганмиз. Эртанги ўйин жуда юқори темпда ўтади деб ўйлайман.
CAFA мусобақаси финали менга ёққан эди. Ўзбекистон терма жамоаси ҳозирда Осиёнинг энг кучлиларидан бири. Сречко Катанец ҳам жуда тажрибали мутахассис ҳисобланади. Эртага яхши ўйин бўлади деб умид қиламиз.
Эрон иккинчи рақам бўлиб ўйнайди? Фикрингизга қўшилмайман. Сўнгги 9 ўйинимизни кўрмаганга ўхшайсиз. Биз ақлли ўйин кўрсатишга ҳаракат қиламиз. Футбол фақат ҳужумкорлик ёки ҳимояланишдан иборат эмас. Вақтида ҳужум қилиш керак, вақтида ҳимояланишни ҳам билиш лозим.
Антонио Маниконе, Эрон терма жамоаси ёрдамчи мураббийи
Эслатиб ўтамиз, Ўзбекистон терма жамоасининг Эронга қарши ўйини 21 ноябрь 18:00 да старт олади.
Изоҳ (0)