Тошкентнинг Юнусобод, Олмазор ва Шайхонтоҳур тумани айрим жойлари 13 ноябрь куни иссиқ сув ва иситиш тизимидан вақтинча узилди.
![](/static/2023/Nigora/otopleniye D.jpg)
Пойтахт ҳокимлиги матбуот хизматининг хабар қилишича, 13 ноябрь куни “Ўзбекистон темир йўллари”га қарашли “Чуқурсой” подстанциясида носозлик юзага келди ва Юнусобод туманида жойлашган 4-қозонхонанинг 2-навбати ўчирилди.
Шу сабабли, қуйидаги манзилларда иссиқ сув ва иссиқлик таъминоти вақтинча бўлмайди:
Юнусобод тумани:
- Марказ-2, Марказ-4, 5, 6 мавзеларида жойлашган турар жойлар, ижтимоий муассаса ва маъмурий бинолар.
- Ҳакимзода, Ж. Обидова, Эргашева, Ниёзбек йўли, Арифова кўчалари, А.Темур ва Қорасарой шоҳкўчалари.
Олмазор тумани:
- Қорақамиш 1/1, Қорақамиш 1/2, Қорақамиш 2/1, Қорақамиш 2/3, Қорақамиш 2/5, Марказ-22 мавзелари, Ғофур Ғулом, Тахтапул, Себзор, Марказ-17/18, Шимолий Олмазор, А. Бобожонова, Қорасарой, Файзи Баланд, Абдурахмонов, Сағбон, Ёлқин, Дадабоев, Ўрозбоев, Юнусов, Мухбир, Келес йўли, Норазтепа кўчаларида жойлашган турар жойлар, ижтимоий муассаса ва маъмурий бинолар.
Шайхонтоҳур тумани:
- Зулфияхоним, У.Юсупов, Лабзак кўчаларида жойлашган турар жой уйлари.
Тошкент шаҳар ҳокимлиги ноқулайликлар учун узр сўраб, таъминот ярим тунга қадар тикланишини маълум қилди.