Toshkentning uchta tumani ayrim joylari issiq suv va isitish tizimidan vaqtincha uzildi

Toshkentning Yunusobod, Olmazor va Shayxontohur tumani ayrim joylari 13-noyabr kuni issiq suv va isitish tizimidan vaqtincha uzildi.

Poytaxt hokimligi matbuot xizmatining xabar qilishicha, 13-noyabr kuni “O‘zbekiston temir yo‘llari”ga qarashli “Chuqursoy” podstantsiyasida nosozlik yuzaga keldi va Yunusobod tumanida joylashgan 4-qozonxonaning 2-navbati o‘chirildi.

Shu sababli, quyidagi manzillarda issiq suv va issiqlik ta’minoti vaqtincha bo‘lmaydi:

Yunusobod tumani:

• Markaz-2, Markaz-4, 5, 6 mavzelarida joylashgan turar joylar, ijtimoiy muassasa va ma’muriy binolar.
• Hakimzoda, J. Obidova, Ergasheva, Niyozbek yo‘li, Arifova ko‘chalari, A.Temur va Qorasaroy shohko‘chalari.

Olmazor tumani:

• Qoraqamish 1/1, Qoraqamish 1/2, Qoraqamish 2/1, Qoraqamish 2/3, Qoraqamish 2/5, Markaz-22 mavzelari, G‘ofur G‘ulom, Taxtapul, Sebzor, Markaz-17/18, Shimoliy Olmazor, A. Bobojonova, Qorasaroy, Fayzi Baland, Abduraxmonov, Sag‘bon, Yolqin, Dadaboyev, O‘rozboyev, Yunusov, Muxbir, Keles yo‘li, Noraztepa ko‘chalarida joylashgan turar joylar, ijtimoiy muassasa va ma’muriy binolar.

Shayxontohur tumani:

• Zulfiyaxonim, U.Yusupov, Labzak ko‘chalarida joylashgan turar joy uylari.

Toshkent shahar hokimligi noqulayliklar uchun uzr so‘rab, ta’minot yarim tunga qadar tiklanishini ma’lum qildi.