Кўксаройда Италия президентини расмий кутиб олиш маросими бўлиб ўтди (фото)

Шавкат Мирзиёев таклифига биноан Италия президенти Сержо Маттарелла қизи Лаура Маттарелла ҳамроҳлигида 9 ноябрь куни расмий ташриф билан Ўзбекистонга келганди. 10 ноябрь куни ушбу давлат раҳбарини расмий кутиб олиш маросими бўлиб ўтди.

Президент матбуот хизматининг хабар қилишича, Кўксарой қароргоҳи олдидаги майдонда фахрий қоровул саф тортди. Италия президенти ва унинг қизи — мамлакат биринчи ледисини Ўзбекистон президенти ва рафиқаси қарши олди.

Ҳарбий оркестр икки давлат мадҳияларини ижро этди. Давлат раҳбарлари фахрий қоровул сафи олдидан ўтиб, расмий делегациялар аъзоларини қутлади. Биргаликда суратга тушишдан сўнг олий даражадаги музокаралар бошланди.