Халқаро сиёсатшунос Елена Супонина Исроил операцияси камида олти ой давом этишини прогноз қилди. У тегишли фикрни “Говорит Москва” билан бўлишди.
Сиёсатшуносга кўра, Исроил армиясининг ҳужумларида асосан тинч аҳоли ҳалок бўлмоқда, ҲАМАС жангарилари эса туннелларда яширинмоқда.
“Исроил раҳбарияти жуда эҳтиёткорлик билан ҳаракат қилмоқда. Бу қуруқликдаги операциядай туюлади, аммо унчалик эмас. Бу алоҳида рейдлар бўлиб, улар Ғазо секторининг шимолий қисмини жанубий қисмидан ажратишни мақсад қилган. Исроил раҳбариятининг мақсадлари вазиятга қараб тўғриланади. Эҳтимол, бунга америкаликларнинг босими ёки исроиллик ҳамкасбларига маслаҳат берадиган америкалик генералларнинг маслаҳати сабаб бўлмоқда.
Ҳозирча исроилликлар ўз мақсадларига эриша олмаяпти, эҳтимол, шунинг учун ҳам операция чўзилишини кутилмоқда. Бу энди ҳафталар эмас, балки ойлардир. Бу борада исроилликларнинг ўзи ҳам аллақачон гапирган, операция олти ойдан тўққиз ойгача давом этиши ҳақида бир неча баёнотлар берилган. ҲАМАС қаршилик ҳаракати раҳбарияти ҳам вақт ҳақида худди шундай дейди. Бир неча кундан кейин ҲАМАС жабр кўрмагани, улар туннелларда бўлиб, отишмаларда қатнашаётгани ва асосан тинч аҳоли азоб чекаётгани аниқ бўлди.
Европа Иттифоқи етакчилари Исроил ва ҲАМАС ўртасида ўт очишни тўхтатиш чақириғи бўйича келиша олмади. Брюсселдаги учрашувда улар фақат “гуманитар паузалар ва Ғазога ёрдам етказиш йўлакларини очишга” чақирди.
“Биз минтақадаги вазиятнинг ёмонлашувидан чуқур хавотиримизни билдирамиз”, — дейилади Европа кенгаши матбуот хизмати томонидан чоп этилган Яқин Шарқдаги можаро бўйича саммитнинг якуний баёнотида.
Изоҳ (0)