Исроил молия вазири Безалел Смотрич ҲАМАСни “қўллаб-қувватлагани” сабабли Фаластин миллий маъмуриятига маблағ ўтказишни тўхтатишни буюрганини айтди. Бу ҳақда “РИА Новости” хабар берди.
“Ҳозирги реалликда маблағларни ҳеч нарса бўлмагандек ўтказишда давом этаётганимизни ақлга сиғдириб бўлмайди. Сизга шуни маълум қилмоқчиманки, мен Молия вазирлигига шу ойдан тўловларни ўтказишни тўхтатиш бўйича топшириқ берганман”, — деди у бош вазир Биньямин Нетаньяхуга йўлланган мактубда.
Вазирнинг сўзларига кўра, бундай қарорга Фаластиннинг айрим етакчилари 7 октябрь куни ҳаракат жангчиларининг Исроилга ҳужумини қўллаб-қувватлагани сабаб бўлган.
Шунингдек, Смотрич ҳарбий-сиёсий вазирлар маҳкамасидан Тель-Авивнинг Фаластинни молиялаштириш соҳасидаги сиёсатини сўнгги воқеалар нуқтаи назаридан муҳокама қилишни талаб қилган.
Изоҳ (0)