Саудия Арабистони отасини ўлдирганликда айбланган Америка фуқаросини қатл қилди. Бу ҳақда Associated Press хабар берди.
Қатл этилган шахс Бишой Шариф Нажи Насиф бўлиб, мисрлик отасини калтаклаб, кейин уни бўғиб ўлдирган. Бундан ташқари, Насиф гиёҳванд моддалар истеъмол қилгани, отасининг жасадини бўлакларга бўлгани ва ҳибсга олинишидан олдин яна бир одамни ўлдиришни режалаштиргани аниқланган.
Баёнотда Насиф қандай қатл этилгани ҳақида маълумот берилмаган. Бироқ Саудия Арабистони мунтазам равишда ўлимга ҳукм қилинганларнинг бошини танасидан жудо қилади.
Насифнинг адвокатини дарҳол аниқлашнинг иложи бўлмаган. Унинг АҚШда уй манзили бор-йўқлиги ҳам номаълум.
Халқаро Amnesty International статистик маълумотларига кўра, Саудия Арабистони 2022 йилда Хитой ва Эрондан кейин дунёда энг кўп қатл қилувчи давлатлар қаторига киради.
Коронавирус пандемияси авж олган пайтда қатллар сони камайганди, аммо сўнгги йилларда улар яна кўпайди. 2022 йилнинг март ойида 81 киши қатл қилинди, бу қиролликда ўзининг замонавий тарихида амалга оширилган энг йирик оммавий қатлдир.
Изоҳ (0)